460/135

[s. 135] Actum in Curia Regali Lucoviensi, sabbatho post festum Sancti Andreae Apostoli proximo, Anno Domini Millesimo Sexcentesimo Quinquagesimo Primo. Ministerialis Generalis Regni Providus Albertus Jedinak de Dminin ad officium et Acta praesentia Capitanealia Castrensia Lucoviensia personaliter veniens, in vim suae verae ac fidelis relationis ubivis locorum faciendae publice recognovit, quia ipse copias duas literales authenticas citationis infrascriptae de tenore eius huiusmodi: Joannes Casimirus Dei Gratia Rex Poloniae, Magnus Dux Lithuaniae, Russiae, Prussiae, Masoviae, Samogitiae, Livoniae, Smolensciae, Czerniechoviaeque, nec non Suecorum, Gottorum Vandalorumque Haereditarius Rex. Vobis Magnifico Joanni Bartholomaeo a Kazanow Kazanowski, Lucoviensi Capitaneo, Causaeque infrascriptae Iudici, tum[?] Nobili Nicolao Domanski olim Joannis Buiała filio, uti parti eiusdem Capitanei adhaerenti, ex eodem Capitaneatu ac bonis vestris generaliter omnibus mandamus, quatenus coram nobis seu Iudicio nostro Tribunali Regni Lublinensi a positione praesentis citationis vestrae in duabus septimanis, aut tunc dum et quando causa praesens ex regestro publico Causarum officii inter Causas Cassandae poenae infamiae ad iudicandum vocata legitime inciderit, ad instantiam Nobilis Alberti Skrzysowski olim Jacobi filii personaliter et peremptorie compareatis. Qui te ad videndum et audiendum decretum quoddam poenae infamiae super memorato Actore ex instantia instigatoris iudicii Capitanealis Castrensis Lucoviensis tum et eius delatoris Nobilis Nicolai Domanski olim Joannis [s. 136L] Buiała filii, in Causa quadam, acsi ipse non veritus poenas legum contra raptores rerum alienarum sancitas, in levipendium earum, tempore nuper praeterito, in protestatione contra ipsum eo nomine facta, ad quam se Actor cum citatione sua in toto referebat, expresso, equam Actoris propriam pili cisawey konopiastey e pascuariis villae Domanin Kempski surripuisset domumque recepisset et in vim turpis lucri sibi usurpasset, pro quo poenam infamiae demeruisset, in Iudicio Castrensi Lucoviensi male et erronee, non servatis gradibus iuris nec ad notitiam Citatorum deductis, inscio eodem Actore obtentum, tolli, cassari et annihilari nullitatisque vitio subici, et id quod iuris erit in praemissis peragi et sententiari. Datum Lublini feria secunda ante festum Sanctae Catharinae Virginis proxima, Anno Domini Millesimo Sexcentesimo Quinquagesimo Primo. Ex parte suprascripti Actoris contra supranominatos Citatos unam copiam contra suprarecensitum Capitaneum in Cancellaria praesenti Lucoviensi, positionem eius Vicenotariis in Cancellaria praesentibus denunciando, alteram vero in bonis villae Domanin Kempski, curia residentiae praefati Nicolai Domanski, positionem eius eidem Nicolao Domanski denunciando, utrasque feria secunda ante festum Sanctae Catharinae Virginis et Martyris proxime praeterita posuit. De quo hanc sui relationem ad Acta praesentia facit. Ex Actis Capitanealibus Castrensibus Lucoviensibus exemptum. [pieczęć] Casimirus Aegidius Rzewuski[?] Vicecapitaneus et Iudex Castrensis Lucoviensis [paraf] Correxit Stocki[?] [prawa połowa karty pusta] [odwrocie: tytuł sprawy] [s. 138] Cassand[ae][?] Evasio[?] cum approbatione [?] [nad wierszem: et processus[?]] infamiae [?] restata[?] Iterum post arestum [?] condemnatus Kurowski [?] Sabb[atho] post Conversionem[?] 1655

[odwrocie, s. 138: tytuł sprawy] Do kasacji[?] Uchylenie[?] z zatwierdzeniem [?] [nad wierszem: i procesu[?]] infamii [?] [?] Ponownie po areszcie [?] skazany Kurowski [?] W sobotę po Nawróceniu[?] [św. Pawła] 1655